جنون التجربة

موضوع: جنون التجربة 6/8/2008, 2:43 am

جنون التجربة
.

من جموح الحال وسنين التراب
الجفاف أوطان .. صدري ملعبه

شرهتي عالدمع وعيون السراب
لا متى يابس عروقي .. تكتبه

ياوطن ..! ماعاد للتجريح باب
ولا بقى للصبر جيش ونسلبه

الظلام يشيب / وجروحي شباب
لامتى والعمر .. جرحي ينهبه

كل عام نعيد .. توطين العذاب
وكل ضي نموت به / مانقربه

ياقريب الصوت خذ مني كتاب
لمَه بجنحان صدرك واقربه :

مابقى مبدا .. ولاطاله خراب
كل معنى ضاع معنا / نشطبه

من ثياب المجد / ماباقي ثياب
كل ثوب نسبَره .. ما أصعبه

الفساد شروق / والحلم الضباب
والأمل / تحت السديم بمغربه

الذنوب خيول / والطهر استاب
كل فارس للضياع بنصلبه

ولا ظهر للنور / نورٍ مايهاب
كسَر جموحه .. جموحٍ يغلبه

الأسد ياخذ من اوصاف الذباب
والحصاني طيشها من يجذبه

مالنا حيله .. على كثر العتاب
دامنا أموات .. فالعيش أطلبه

خلَ بعيونك .. مساحه للعباب
وخلَ لأوطانك حنين وتشربه

لاتناسى صدرك انواع الحراب
ذل راسك .. مانسته الأتربه

ولا عطاك الطير مايعطي غراب
أخسر العالم .. ولا لا تكسبه

مايعيش الحرَ / والقيد اغتراب
والسما حلمه .. وحلمه يغصبه

خذ من جنونك جناح / ولاتهاب
العمر : كله ' جنون التجربه '

الحياة اوراق / والريح الغياب
ومالك إلا عمر واحد تحسبه

انتصف في معركة 'جف السحاب'
وبادل الغيم احتضاره واخطبه

يكفي من الماء / ماء الروح ذاب
ويكفي من النار / همك تحطبه

الوطن ..! ماهو مساحات وتراب
الوطن كلك .. وفعلك يكتبه ..!

.
.

6/2008م
الســــيل

ـــــــــــــــــــــــــــــــــــــــــــــــــــــــــــــــــــــــــ

أعجبني فنقلته لــكم ... Razz

موضوع: رد: جنون التجربة 17/8/2008, 7:07 pm

شكرا عزيزتي على النقل الرائع

دمتي بخير