الخيانه !!!

بسم الله الرحمن الرحيم

السلام عليكم ورحمة الله

ابتكلم عن الخيانه لكن خيانه من نوع اخر خيانه لها طعمها الخاص والمها الخاص
خيانة الشاب لعرضه ولشرف بيته خيانته لاهله لاخواته لعائلته
الخيانه بماذا ابدا وبماذا انتهي
الخيانه المعنيه هي الزنا وماراح اتكلم عن البنت لانه تكلموا فيها كثيرابتكلم عن الولد
طبعا الحين الزنا انتشر بشكل كبير بين الشباب
وصار شي سهل بالنسبه لهم قبل الولد لازم يبدا يغازل وبعدين يطيح البنت وبعدين يسوي اللي في راسه
بس الحين للاسف صار في كل بيت خادمه هذا اذا ماكان اكثر بعد
وانتم اكيد عارفين الخادمات وعارفين وش اللي وراهم وعارفين انهم ماعندهم اي مانع في هالاشياء وانا قريت قصه ترويها وحده من العاملات في السجن عن خادمه مسجونه دخلت اكثر من خمس بيوت في اقل من سنتين وماطلعت من بيت الا وتركت وراها مصيبه مادري اذا قدروا يحلونها ولالا والقصه جريئه جدا ماقدر انزلها عشان كذا نترك الخادمات على جنب
نجي للشاب نفسه اذا جاه ابليس في ذاك اليوم ليش يصير تحت طوعه من يوم تجي الفكره براسه وهو مسويها ؟؟!!
ليش مايتعوذ منه ويصلي ركعتين وينسى الموضوع او على الاقل يطلع من البيت؟
طيب مايخاف من ان احد يشوفه طبعا بغض النظر انه هو مايخاف من الله اصلا لانه سوا هالمعصيه
لنفرض ان اهل البيت برا مايخاف ان الله يرسل له احد يشوفه ويفضحه ؟
مايخاف انه يموت وهو يرتكب هالجريمه؟!
ومعروف انك كما تدين تدان يعني مثل ماانت سويت كذا بيجي يوم ويسوي احد بمحارمك نفس الشي ووقتها تعال تكلم
اذا انت ماصنت الشرف وشلون تبي غيرك يصونه؟!!!
انا متاكده ان الكل يستحقر هالرجل بس مهب عشانه زنا مع خادمه لا لان الخادمه مثل باقي الحريم لكن استحقره على الزنا نفسه على البلوه نفسها اللي جابها لاهله
والطامه الكبرى انهم يكررون نفس الفعل ولاكانهم مسوين شي عظيم والله مجرد التفكير في الامر يخوف وشلون يتجرأون ؟؟!!!!!!!!!!!
بتقولون المشكله من الاهل ليش ماينتبهون لخداماتهم وعيالهم
انا متأكده ان اغلب الاهل يحطون لللخدامه غرفه خاصه فيها ويعطونها مفتاح عشان تقفل الباب عليها وبعضهم يمنعونها انها تطلع عند الرجال ويمنعون عيالهم بالدخول عندها ومع ذلك تحدث المصيبه
اجل وش الحل؟؟
وخصوصا انه لايمكن الاستغناء عن الخادمه في اغلب المنازل
والمشكله الاكبر اذا درى احد افراد المنزل عن الموضوع وخصوصا اذا كانت بنت انا اجزم انها ماراح تقول ولاكلمه
ليش ماتكلم ؟؟ تنصحه ؟؟ او على الاقل تعلم احد في البيت غيرها يمكن يقدر يحل المشكله
لكنها للاسف تكتفي بالسكوت وتجرع الالم وحدها
القصص كثيره والمشاهد كثيره والمصيبه تزيد وحنا واقفين


الموضوع جريء بس المشكله تزيد ولازم نحلها

موضوع رائع

وإسواء ما بالكون الخيانه

الله يعطيك العافيه


سلمت يداك