هل يحق للاخ ان يضرب اخته ؟؟ (للنقاش)

بسم الله الرحمن الرحيم
السلام عليكم ورحمة الله وبركاته
هل يحق للاخ ان يضرب اخته؟؟؟ سؤال تبادر الى ذهني
واريد تفاعل منكم (لاهنتوا)
ولا ابي هوشات بين البنات والشباب كل واحد يحط وجهة نظرة


وجهة نظري :
من ناحية انه يحق للاخ الضرب فهو يحق له(اذا اخطئت فقط) ولكن لااحبذ هذا الفعل

يعني لو يجي الاخ لاخته باسلوب راقي ويكلمها عن الخطاء اللي سوته راح تتفهم ان اللي سوته غلط

وانااخواني كذا بس والله احس بتانيب ضمير اذا كلموني بخطئي واجلس طول اليوم افكر وشلون سمحت لنفسي اني اسوي الشي هذا
تدرون لييش ؟؟

لانهم واجهوني بحقيقة الخطا اللي سويته وش راح يصير لي اذا استمريت فيه وشي طبيعي انا راح ابدا افكر بالغلط واستغرب من نفسي وشلون سويته

المراه مشكلتها انها مندفعه يعني تقدم على الشي بدون ماتفكر وش راح يصير بعدين واذا لقت جنبها اخو ينصحها ويفتح لها قلبه ويسمعها راح تندم وحتى ان حاولت تبرر تصرفها في البدايه ويمكن وانت تكلمها بتقول بداخلها وش دخله فيني ولا انا مقتنعه باللي اسويه بس بعد ماتروح عنها على طول بتبدا تفكر بالموضوع
وتعرف انها غلطانه وبتصلح غلطتها بدون ماتقولك انها غلطانه

لكن الضرب ماينفع لانك اذا جيت تضربها بتدخل عليها وتجلدها وتتطلع بدون ماتدري وش الغلط باللي تسويه وبتعند وبتقول مافيه شي غلط باللي انا سويته عكس اذا فهمتها الموضوع وبينت لها نواحي الغلط

وفي النهاية اذا كنت المصيبه كبيره مره اشوف اناخوها يضربها اولا وبعد فتره يكلمها ويفهمها ليش هو ضربها وان اللي سوته يستحق الضرب عشان مايتولد حقد داخلها عليه

وانا عارفه بعض البنات بيقولون ابوي هو اللي يضربني وبس اخوي ماله دخل لكن انا اقول اخوي هو ابوي وماراح ازعل منه اذا ضربني وانا غلطانه ومااعتقد ان اخوك بضربك وانتي ماغلطتي


العفو اطلت عليكم
انتظر رودكم